لاہور (مانیٹرنگ ڈیسک) قومی کرکٹ ٹیم کے دورہ نیوزی لینڈ کیلئے سلیکشن کمیٹی نے مشاورت کے بعد کھلاڑیوں کی فہرست ہیڈکوچ مکی آرتھر کے حوالے کردی ، ٹیم کااعلان آئندہ چا ر سے پانچ روز میں متوقع ہے ۔ذرائع کے مطابق پی سی بی کی سلیکشن کمیٹی نے طویل مشاورت کے بعد دورہ نیوزی لینڈ کیلئے منتخب کئے گئے کھلاڑی کی فہرست ہیڈ کوچ مکی آرتھر کے حوالے کردی ہے ۔ انجری سے نجات حاصل کرنے والے سابق کپتان اظہر علی کی ون ڈے میچزمیں واپسی کا امکان

ہے ۔قومی ٹی ٹونٹی میں اچھی پرفارمنس کا مظاہرہ کرنے والے عمراکمل کی واپسی ممکن دکھائی نہیں دے رہی ۔ انجری کا شکار ہونے والے عثمان شنواری کی جگہ جنید خان کو ٹیم میں جگہ ملنے کا امکان ہے جبکہ عماد وسیم کی قومی کرکٹ ٹیم میں شمولیت فٹس سے مشروط کرتے ہوئے احمد شہزا د کو ون ڈے سے ڈراپ کر کے ٹی ٹونٹی میچز میں ایک موقع دینے کا فیصلہ کیا گیا ۔ذرائع کے مطابق ہیڈ کوچ مکی آرتھر کو صہیب مقصود کی ٹی ٹونٹی ٹیم میں شمولیت پر تحفظات ہیں۔

موضوعات:قومی کرکٹ ٹیم