اسلام آباد (مانیٹرنگ ڈیسک)پاکستان کرکٹ ٹیم کے لیگ سپنر شاداب خان کی لاہور کی لڑکی کے ساتھ چیٹ سوشل میڈیا پر وائرل، لڑکی نے سارے میسجز شیئر کر دئیے۔ تفصیلات کے مطابق شاداب خان نے بھی ایک لڑکی کو ٹوئٹر پر ’ڈائریکٹ میسیج‘ (پرائیویٹ پیغام) بھیجا۔شاداب خان نے ٹوئٹر صارف علینا جس کا ٹوئٹر ہینڈل ”کھٹی چٹنی“ ہے کو پہلے ’سلام‘ بھیجا جس پر اسے یقین ہ

ی نہیں آیا کہ وہ واقعی شاداب خان ہے۔ پھر شاداب نے اپنا مدعا بیان کرتے ہوئے سیدھا سوال کیا کہ تمہارا کسی کیساتھ کوئی تعلق ہے؟ (یعنی غیر شادی شدہ ہو تو کیا کوئی بوائے فرینڈ ہے اور اگر شادی شدہ ہو تو بھی بتا دو) ۔لڑکی نے شاداب خان کی طرف سے پوچھے گئے سوالات کا عقلمندی سے جواب دیا تاہم وہ اب بھی یہ یقین نہ کر پا رہی تھی کہ وہ واقعی شاداب خان ہے۔ جس پر اس نے یہ ساری گفتگو اپنے ٹوئٹر اکاؤنٹ پر اپ لوڈ کر دی اور اس وجہ سے ہی اب شاداب خان خبروں کی زینت بنے ہوئے ہیں۔واضح رہے کہ اس سے قبل ایک افغان لڑکی نے پاکستان کرکٹ ٹیم کے آل رائونڈر عماد وسیم پر الزام عائد کرتے ہوئے کہا کہ عماد وسیم نے اس سے شادی کا وعدہ کیا اور اب وعدے سے مکر گئے ہیں۔ افغان دوشیزہ نے انتہائی پرائیویٹ تصاویر ثبوت کے طور پر شیئر کی تھیں جس پر ردعمل دیتے ہوئے عماد وسیم نے اسے فوٹو شاپ تصاویر قرار دیتے ہوئے رد کردیا تھا۔ اپنے ویڈیو بیان میں عماد وسیم نے میڈیا سے درخواست کرتے ہوئے کہا تھا کہ میڈیا اس طرح کی خبروں سے قبل تصدیق یا تردید کے مراحل ضرورطے کرے کیونکہ اس طرح کی خبروں سے ان کا اور ان کے اہل خانہ کا دل دکھا ہے۔ شاداب خان اور ’کھٹی چٹنی‘کے درمیان کیا کیا باتیں ہوئیں، چیٹ کی زیر نظر تصویر میں ملاحظہ کریں!۔

موضوعات:ٹویٹر شاداب خان لاہور کی لڑکی