اسلام آباد (مانیٹرنگ ڈیسک) ایک غیر ملکی خاتون نے قومی کرکٹر عماد وسیم پر دھوکا دہی اور جھانسا دینے کے سنگین الزامات عائد کیے، عماد وسیم نے ان سارے الزامات کی سختی سے تردید کی تھی، ایک نجی ٹی وی بات چیت کرتے ہوئے اس افغان نژاد ڈچ خاتون نے کہا کہ

عماد وسیم نے اس کو لندن بلایا، وہ دونوں لندن میں خوب گھومے پھرے اس دوران عماد وسیم نے اسے شادی کرنے کا وعدہ بھی کیا مگر اس کے بعد وہ خاموش ہو گیا، اس افغان نژاد خاتون نے نجی ٹی وی سے گفتگو کے دوران بتایا کہ ان کی عماد وسیم سے جولائی میں ملاقات ہوئی تھی اس کے بعد تقریباً ایک ماہ سے عماد وسیم نے کوئی رابطہ نہیں کیا ہے۔ خاتون نے کہا کہ میں نے اس بارے میں عماد وسیم کے دوست جو کہ لندن میں ہی مقیم ہے اس سے بات کی مگر وہ بھی میری مدد نہ کر سکا۔ جب اس سلسلے میں نجی ٹی وی نے عماد وسیم سے رابطہ کیا تو انہوں نے تمام الزامات کو جھٹلایا اس کے ساتھ ساتھ تمام تصاویر کو بھی جعلی قرار دیا، جب عماد وسیم سے ہوٹل کی بکنگ اور وڈیو کے بارے میں سوال کیا گیا تو عماد نے بغیر جواب دیے فون بند کر دیا۔ ذرائع کا یہ بھی کہناہے کہ عماد وسیم کی افغان نژاد خاتون کے ساتھ وڈیو سامنے آنے پر وہ پیچھے چلے گئے ہیں، اس خاتون سے عماد کے بھائی نے رابطہ کیا اور اس سارے معاملے کو نمٹانے کی یقین دہانی کرائی، عماد وسیم کے بھائی کی وجہ سے دونوں میں سمجھوتہ طے پا گیا ہے۔

موضوعات:عماد وسیم