اسلام آباد (مانیٹرنگ ڈیسک) پاکستان کرکٹ بورڈ کے چیئرمین نجم سیٹھی نے پی ایس ایل میں جلد ساتویں ٹیم کی شمولیت کا اشارہ دے دیا۔ تفصیلات کے مطابق چیئرمین پی سی بی نجم سیٹھی نے نجی ٹی وی کے ایک پروگرام میں بات چیت کرتے ہوئے کہا کہ ملتان سلطان کی شمولیت کے بعد جلد ہی پی ایس ایل میں ساتویں ٹیم کو بھی

شامل کیا جائے گا۔ چیئرمین پی سی بی نجم سیٹھی کا کہنا ہے کہ پی ایس ایل کی ساتویں ٹیم ممکنہ طور پر فاٹا، سیالکوٹ یا فیصل آباد میں سے کسی ایک شہر کی ہوگی۔ انہوں نے مزید کہا کہ پی ایس ایل کے اگلے سیزن کے کئی میچز پاکستان میں کرائے جائیں گے۔ جن میں سے کچھ میچز لاہور جبکہ کچھ میچز کراچی میں منعقد کیے جائیں گے۔

موضوعات:پی ایس ایل میں ساتویں ٹیم نجم سیٹھی