مظفرآباد (این این آئی)آزادکشمیر میں بین الاقوامی کھلاڑیوں کی آمد اور آزادکشمیر کے کھلاڑیوں کی قومی کرکٹ ٹیم میں نمائندگی کے لئے تاریخ ساز پیشرفت ،ڈربن قلندر کی ٹیم جلد آزادکشمیر کا دورہ کرے گی ہاشم آملہ ،گرنٹ ایلیچ اور ڈین براوؤمظفرآباد میں جلوہ گر ہوں گے جب کہ 26ستمبر سے شروع ہونے والے ٹورنامنٹ کا پہلا میچ مظفرآباد سے پوری دنیا میں ٹیلی کاسٹ کیا جائے گا

وزیراعظم فاروق حیدر خان سے معروف کرکٹر عاقب جاوید اور لاہور قلندر کے چیف ایگزیکٹو رانا عاطف کی ملاقات ،آزادکشمیر کے لیئے قومی کرکٹ ٹیم میں نمائندگی کی خوشخبری ،وزیراعظم راجہ محمد فاروق حیدر خان نے کہا کہ آزادکشمیر کے اندر کرکٹ مقبول ترین کھیل ہے آزادکشمیر کے نوجوان جلد قومی کرکٹ ٹیم کا حصہ ہوں گے بین الاقوامی کھلاڑیوں کی آمد اور میچز کے انعقاد سے تاریخ ساز پیشرفت ہو گئی لاہور قلندر کے تعاون سے آزادکشمیر میں ٹیلنٹ ہنٹ پروگرام کے تحت انڈر 20(اسی)80ہزار نوجوانوں کی رجسٹریشن بہت بڑی دلچسپی کو ظاہر کرتی ہے ملاقات کے دوران وزیر خزانہ نجیب نقی ،ایڈیشنل چیف سیکرٹری ترقیات فرحت علی میر ،سیکرٹری سپورٹس راجہ عباس بھی موجود تھے عاقب جاوید نے کہا کہ وزیراعظم راجہ فاروق حیدر خان کی کھیل سے لگن اور کرکٹ کے فروغ کے پیش نظر ہم نے طے کیا ہے کہ ہم آزادکشمیر کو کھیلوں کا مرکز بنائیں یہاں کے خوبصورت میدان میں باالخصوص مظفرآباد میں کرکٹ کے عالمی میچز ہوں ۔آزادکشمیر میں کرکٹ کو فروغ دیں گے 26ستمبر کو لاہور قلندر کے زیر اہتمام ٹورنامنٹ کا آغاز مظفرآباد سے ہو گا بہاولپور سے کشمیر تک 6ٹیمیں بنائی جا رہی ہیں عاقب جاوید نے کہا کہ صرف میرپور میں 15ہزار لوگوں نے ٹراٹل دیئے ڈربن ٹیم کو آزادکشمیر لایا جائے گا اور ساتھ ہی بین الاقوامی کھلاڑی بھی یہاں آکر کھیلیں گے تو مظفرآباد کا نام ویسٹ انڈیز تک روشن ہو گا۔

وزیراعظم راجہ محمد فاروق حیدر خان نے محکمہ سپورٹس کو ہدایت کی ہے کہ وہ دن رات محنت کر کے 26ستمبر سے قبل گراؤنڈ کو مکمل تیار کر ے جب کہ آئندہ سال گراؤنڈ کو عالمی معیار کے مطابق بنانے کے لیئے اقدامات اٹھائے جائیں ۔عاقب جاوید نے کہا کہ آزادکشمیر سے منتخب ہونے والے 15بچے آسٹریلیا میں تربیت حاصل کریں گے اور یقین ہے کہ آزادکشمیر کو بہت جلد قومی کرکٹ ٹیم میں نمائندگی ملے گی جس پر ایڈوانس مبارکباد پیش کرتا ہوں ۔

موضوعات:راجہ محمد فاروق حیدر خان عاقب جاوید