لاہور (این این آئی)پاکستان کرکٹ بورڈ نے ورلڈ الیون کے میچز ضمنی الیکشن سے پہلے ختم کرنے کی منصوبہ بندی شروع کر دی ہے ۔ میڈیا رپورٹ کے مطابق لاہور میں این اے 120 پر ضمنی الیکشن میں17 ستمبر کو ہوگا ۔بورڈ کے اعلیٰ عہدیدار نے بتایا کہ اب ورلڈ الیون کے دورہ پاکستان میں صرف امن و امان کی صورت حال ہی حائل ہوسکتی ہے ۔بورڈ کے اعلیٰ عہدیدارکے مطابق ورلڈ الیون کے دورے کی تاریخیں تبدیل کر دی ہیں ٗ ضمنی الیکشن سے پہلے ہی ٹیم واپس بھی چلی جائیگی

ٗ وقت آنے پر تمام تفصیلات سامنے آجائیں گی ۔عہدیدار کاکہنا ہے کہ سیریز مہنگی ضرورہے تاہم پاکستان میں انٹرنیشنل کرکٹ کی بحالی کیلئے یہ سودا مہنگا نہیں ۔ امید ہے کہ اسپانسرز بھی آئیں گے اوراب صرف امن و امان کی صورت حال ہی اس سیریز کی راہ میں حائل ہو سکتی ہے اس کے علاوہ کوئی ایشو نہیں ۔ذرائع کے مطابق میچز 8 سے 15 ستمبر کے درمیان کرانے کی تیاری ہو رہی ہے۔

موضوعات:پاکستان کرکٹ بورڈ