پاکستان کا پہلا وکٹ کیپر،سرفراز احمد نے انوکھا اعزاز حاصل کرلیا

  جمعہ‬‮ 14 جولائی‬‮ 2017  |  19:19

لاہور( این این آئی )قومی کرکٹ کے کپتان سرفراز احمد کا انگلش کاؤنٹی یارک شائر سے معاہدہ ہوگیا، پی سی بی نے بھی کپتان کو این اوسی جاری کر دیا۔ وکٹ کیپر بیٹسمین 3 اگست سے کاؤنٹی کی طرف سے 5 میچز کھیلیں گے۔چیمپئنز ٹرافی کے فاتح کپتان سرفراز احمد پر کاؤنٹی کرکٹ کے دروازے بھی کھل گئے۔ سرفراز احمد کاؤنٹی کرکٹ کھیلنے والے پاکستان کے پہلے وکٹ کیپر ہوں گے۔یارک شائر نے سرفراز احمد سے آسٹریلیا کے پیٹر ہینڈز کومب کے متبادل کی حیثیت سے معاہدہ کیا ہے۔ جبکہ کاؤنٹی کے مقامی وکٹ کیپر جونی بیرسٹو انگلش ٹیم کے

ساتھ مصروف ہیں۔ سرفراز احمد 27 جولائی کو انگلینڈ روانہ ہو رہے ہیں۔ وہ 3 اگست کو ڈربی شائر کے خلاف ٹی ٹونٹی بلاسٹ میں کاؤنٹی ڈیبیو کریں گے۔سرفراز احمد نے کہا کہ انگلش کاؤنٹی سے کھیل کر بہت کچھ سیکھنے کا موقع ملے گا۔ ان کے لئے آف سیزن میں صلاحیتوں میں بہتری کا یہ ایک بہترین موقع ہے۔بی بی سی کے مطابق سرفراز احمد کا کہنا ہے کہ کاؤنٹی کرکٹ کھیلنا ان کی دیرینہ خواہش تھی اور وہ مستقبل میں بھی کاؤنٹی کھیلنا پسند کریں گے۔ کاؤنٹی کرکٹ کھیلنا ان کے لیے اہم موقع ہے اور وہ چاہیں گے کہ اس موقع سے فائدہ اٹھاتے ہوئے اچھی کارکردگی دکھائیں۔سرفراز احمد کا کہنا ہے کہ کاؤنٹی کرکٹ کھیل کر انہیں بہت کچھ سیکھنے کا موقع ملے گا کیونکہ جس کرکٹر نے بھی کاؤنٹی کرکٹ کھیلی ہے اس کا یہی کہنا ہے کہ وہاں بہت زیادہ پروفیشنلزم ہے اور اسے وہاں کھیل کر تجربہ حاصل ہوا ہے۔سرفراز احمد کا کہنا ہے کہ فی الحال یہ صرف پانچ میچز کا معاہدہ ہے لیکن مستقبل میں اگر انہیں پیشکش ہوئی اور پاکستانی ٹیم کی مصروفیت نہ ہوئیں تو وہ کاؤنٹی کرکٹ کے زیادہ میچز کھیلیں گے۔

موضوعات:

آج کی سب سے زیادہ پڑھی جانے والی خبریں

روزانہ کی دس بڑی خبریں بذریعہ ای میل حاصل کریں

بذریعہ ای میل آپ کو دس بڑی خبروں کے ساتھ ساتھ کرنسی اور سونے کے ریٹس بھی بھیجے جائیں گے۔