کابل(این این آئی) افغانستان کرکٹ بورڈ نے کابل میں دھماکے کے بعد پاکستان کیساتھ دوستانہ میچز کی سیریز منسوخ کرتے ہوئے کرکٹ تعلقات ختم کرنے کا اعلان کردیا۔پاکستان اور افغانستان کے درمیان ٹی20 سیریز کے انعقاد پر بات چیت جاری تھی تاہم کابل میں ہونے والے بم دھماکوں کے بعد افغان کرکٹ حکام نے پاکستان سے سیریز کھیلنے سے انکار کردیا ۔

افغانستان کے دارالحکومت کابل میں جرمن سفارت خانے کے قریب کار بم دھماکے کے نتیجے میں 90 افراد جاں بحق اور 400 افراد زخمی ہوئے۔افغان کرکٹ بورڈ نے ٹوئٹر پیغام میں سیریز کی منسوخی سے آگاہ کیا۔افغان بورڈ نے کابل میں دھماکے کے بعد پاکستان کیساتھ سیریز کھیلنے سے انکار کیا ہے اور پیغام میں مزید کہاکہ پاکستان کے ساتھ کرکٹ تعلقات کو بھی ختم کررہے ہیں۔

موضوعات:افغانستان کابل بم دھماکہ کرکٹ