برمنگھم (آن لائن) عمر اکمل نے اچانک ان فٹ قرار دیے جانے پر دبے لفظوں میں احتجاج ریکارڈ کرا دیا۔ایک انٹرویو میں عمر اکمل نے کہا کہ پاکستان میں انضمام الحق، مشتاق احمد اور ٹرینر صبور نے میرا فٹنس ٹیسٹ لیا تھا تو کیا ان کے ساتھ سیاست ہورہی ہے؟ انھوں نے کہا کہ میں پی سی بی کے سینٹرل کنٹریکٹ میں ہوں،دلوں کا حال تو اوپر والا ہی جانتا ہے،میرا کام پاکستان کیلئے کھیلنا اور بہترین پرفارم کرنا ہے،

جس کیلئے دل و جان سے کوشش کروں گا۔علاوہ ازیں اپنی جگہ چیمپئنز ٹرافی اسکواڈ میں شامل کیے جانے والے حارث سہیل کیلئے نیک خواہشات کا اظہار کرتے ہوئے عمر اکمل نے کہا کہ میں اسکواڈ میں ہوں یا نہیں خواہش ہے ہماری ٹیم ہر میچ جیتے۔ عمر اکمل نے چیف سلیکٹر انضمام الحق کا شکریہ ادا کیا اور اپنے پرستاروں سے معافی مانگتے ہوئے کہا کہ جلد ٹیم میں واپسی ہوگی۔ انھوں نے تسلیم کیا کہ کھلاڑی کے کیریئر میں اتار چڑھاؤ آتے ہیں۔

موضوعات:عمر اکمل