لاہور(مانیٹرنگ ڈیسک) ویسٹ انڈیز کو تیسرا ون ڈے ہرا کر شاہینوں نے ایک اور بڑا اعزاز حاصل کر لیا،قومی ٹیم 460 ون ڈے فتوحات کیساتھ بھارت کو پیچھے چھوڑ کر سب سے زیادہ ایک روزہ میچ جیتنے والی دنیا کی دوسری ٹیم بن گئی ہے۔کیریبیئن کے دیس میں پاکستان کا بڑا اعزاز،سیریز کی ٹرافی پر تو قبضہ جمایا ہی، ساتھ ہی سب سے زیادہ ون ڈے جیتنے والی دنیا کی دوسری ٹیم بن گئی،ویسٹ انڈیز

کیخلاف آخری میچ پاکستان کا 874 ویں مقابلہ تھا جس میں کامیابی حاصل کر کے انہوں نے 460 فتوحات اپنے نام کیں۔اس شاندار اعزاز کے بعد گرین شرٹس نے روایتی حریف بھارت کو پیچھے چھوڑ دیا ہے،ہمسایہ ملک کی ٹیم 907 ون ڈے کھیل کر 459 مقابلے جیت سکی ہے،سب سے زیادہ ون ٖڈے جیتنے والی ٹیموں میں پہلا نمبر آسٹریلیا کا ہے جنہوں نے 898 میچ کھیل کر 554 کامیابیاں اپنے نام کر رکھی ہیں۔

موضوعات:کھیل یا جنگ