لاہور (آئی این پی)پاکستان سپر لیگ (پی ایس ایل )کی ٹیم اسلام آباد یونائیٹڈ کے غیر ملکی کھلاڑیوں کی جانب سے پاکستانیوں کو یوم پاکستان پر مبارکبادی پیغام ۔ سیمئیول بدری،ڈیوڈ ملان اور فن نے اپنے ویڈیو پیغامات میں پاکستانی قوم کو 77ویں یوم پاکستان کی مبارکباد دیتے ہوئے ملی نغمے بھی گنگنائے۔تفصیلات کے مطابق اسلام آباد یونائیٹڈ ٹیم کے غیر ملکی کھلاڑی بھی یوم پاکستان کی خوشیوں میں رنگ گئے جنہوں نے پاکستانی قوم کے

نام مبارکباد کے پیغامات جاری کر دیے۔غیر ملکی کھلاڑیوں نے اپنے ویڈیو پیغامات میں پاکستانی قوم کو 77ویں یوم پاکستان کی مبارکباد دیتے ملی نغمے میں گنگنائے۔ڈیوڈ میلان نے ملی نغمہ’’دل دل پاکستان جان جان پاکستان ‘‘ بھی گنگنایا اور پاکستانیوں کے دل جیت لیے۔ ویسٹ انڈیز کے کھلاڑی سیمئیول بدری نے اپنے پیغام میں سب کو متحد رہنے کی ضرورت پر زور دیتے ہوئے کہا کہ کامیابی اتحاد سے ہی حاصل ہوتی ہے۔

موضوعات:پاکستان سپر لیگ