نئی دہلی (آئی این پی)بھارت میں جاری بلائنڈ ٹی ٹوئنٹی ورلڈکپ میں پاکستان نے مسلسل دوسری فتح حاصل کرتے ہوئے انگلینڈ کو 97 رنز سے شکست دے دی ۔بھارت کے شہر نئی دہلی میں جاری ٹورنامنٹ میں پاکستان بلائنڈ ٹیم نے پہلے کھیلتے ہوئے 20اوورز میں4وکٹوں کے نقصان پر 296رنز اسکور کیے محمد اکرم نے شاندار سنچری اسکور کی جب کہ ریاست خان نے 83رنز بنائے۔

جواب میں انگلش ٹیم 5 وکٹوں کے نقصان پر 199 رنز بناسکی محمد اکرم کو شاندار سینچری بنانے پر مین آف دی میچ کا ایوارڈ دیا گیا، محمد اکرم نے سینتالیس گیندوں پر ایک سو پانچ رنز کی شاندار اننگز کھیلی، پاکستان نے پہلے میچ میں نیوزی لینڈ کو شکست دی تھی دو میچوں میں فتح کے بعد پاکستان پوائنٹس ٹیبل پر پہلے نمبر پر آگیا ہے۔

موضوعات:پاکستان