کراچی (آئی این پی)پاکستان کرکٹ ٹیم نے دوسرے ون ڈے میچ میں آسٹریلیا کے خلاف چھ وکٹوں سے کامیابی حاصل کرکے سابق آسٹریلوی کرکٹر آئن چیپل کے منہ پر طمانچہ رسید کردیاہے۔ آئن چیپل نے پاکستان کی حالیہ شکستوں پر تمسخر اْڑاتے ہوئے کہاتھا کہ آسٹریلیاکو آئندہ پاکستان کو دورے کی دعوت ہی نہیں دینی چاہیے۔جس پر موجودہ ٹیسٹ کپتان مصباح الحق نے بھی ’جیسے کوتیسا‘جواب کرکٹ آسٹریلیاکی ویب سائٹ پر لکھے گئے اپنے کالم میں دیا۔

اب ملبورن میں کامیابی کے بعد سابق کپتان شاہد آفریدی نے بھی براہ راست آئن چیپل کو مخاطب کرکے کہاہے کہ ’’ چیپل! کیا تم نے دیکھا‘‘۔ پاکستان کی دوسرے ون ڈے میں جیت کے بعد شاہد آفریدی نے اپنے ٹوئٹ میں کیا کہ ”شاباش پاکستان،محمد حفیظ کی بیٹنگ اور کپتانی کی تعریف،جنید خان اور شعیب ملک کو شاباش دی اور کہا کہ چیپل! کیا تم نے دیکھا؟۔

موضوعات:شاہد آفریدی کرکٹ ٹیم