لاہور(آئی این پی)نجم سیٹھی نے بتایاکہ ویسٹ انڈیزنے پاکستان کیساتھ میچ پرمشروط آمادگی کا اظہار کیاہے۔سیکیورٹی صورتحال اچھی رہی توویسٹ انڈیزکی ٹیم لاہورآئیگی۔مارچ میں ویسٹ انڈیزدوٹی ٹوئنٹی لاہورمیں کھیلے گی

۔پاکستان کرکٹ بورڈ(پی سی بی ) کے چیف ایگزیکٹو نجم سیٹھی نے اعلان کیاہے کہ نو فروری سے پی ایس ایل کاٹورنامنٹ شروع ہوگا،ملک میں بہت ٹیلنٹ ہے،اس کونکالنے کا موقع نہیں دیاگیا۔لاہور میں میڈیا سے بات کرتے ہوئے نجم سیٹھی کاکہناتھاکہ پرائیویٹ سیکٹربھی کرکٹ میں حصہ لے رہا ہے۔نجم سیٹھی نے کہاکہ ہم شروع میں ٹی ٹوئنٹی فارمیٹ کیلئے تیارہی نہیں تھے۔انھوں نے بتایاکہ پی ایس ایل کی وجہ سے ملک میں کرکٹ کا کلچر تبدیل ہوا۔نجم سیٹھی نے بتایاکہ باہرکے بہت سارے کھلاڑیوں نے کہاکہ وہ دستیاب ہیں۔انھوں نے بتایاکہ اس بار ٹورنامنٹ تیس دن کا ہوگا۔نجم سیٹھی نے پاکستان کرکٹ ٹیم کے ٹیسٹ کپتان مصباح الحق کو عظیم انسان قرار دیا۔نجم سیٹھی کا کہناتھاکہ پاکستانی میڈیاکے دوستوں نے مصباح الحق کوٹک ٹک کہا۔مصباح الحق پاکستان کی تاریخ کاسب سے کامیاب کپتان ہے۔

موضوعات:پیشکش ٹی ٹوئنٹی نجم سیٹھی ویسٹ انڈیز