لاہور ( این این آئی) پاکستان کرکٹ بورڈ کی ایگزیکٹیو کمیٹی کے چیئرمین نجم سیٹھی نے کہا ہے کہ اگلے سال بڑی ٹیم پاکستان آئے گی اور مہمان ٹیم لاہور میں میچ کھیلے گی۔اپنے بیان میں انہوں نے کہا کہ بھارت چمپئن ٹرافی میں پاکستان کے خلاف ضرور کھیلے گا جبکہ پی ایس ایل کی پوری تیاری ہے بس دعا ہے کہ حالات ٹھیک رہیں۔

نجم سیٹھی نے مزید کہا کہ مصباح الحق پاکستان کا اثاثہ ہیں جو اپنے کیریئر کا فیصلہ خود کریں گے۔آسٹریلیا کیخلاف پاکستان نے شاندار کارکردگی سے کم بیک کیا۔ انہوں نے کہا کہ اگلے سال بڑی ٹیم پاکستان آکر لاہور میں میچ کھیلے گی۔ انہوں نے مزید کہا کہ بھارت انٹر نیشنل کرکٹ کونسل کے زیر اہتمام ہونے والے ایونٹس میں ہم سے کھیلنے سے انکار نہیں کرسکتا،اگلے سال بڑی ٹیم پاکستان آئے گی۔ میڈیا سے گفتگو کرتے ہوئے نجم سیٹھی کا کہنا تھا کہ آئی سی سی کے زیر اہتمام ہونے والے ایونٹس میں بھارت اور پاکستان کے مابین میچز سے سب سے زیادہ آمدنی ہوتی ہے اس لیے آئی سی سی ایونٹ میں بھارت ہم نے کھیلنے سے انکار نہیں کرسکتا کیوں کہ اس سے اسے بھی کافی پیسے ملتے ہیں۔

موضوعات:پاکستان کرکٹ بورڈ