خاک اور خون میں میں اٹے قافلوں میں ہجرت کرکے آنے والے ہمارے بزرگوں کی میراث سرزمین پاکستان وہ زرخیز زمین ہے جہاں کی مائوں نے ایسے جانباز سپوت پیدا کئے جن کی مثال رہتی دنیاتک قائم و دائم رہے گیخواہ وہ کوئی شعبہ ہو ، اسلامی جمہوریہ پاکستان کبھی بھی بنجر نہیں رہا ۔ اس دنیائے آب و گل میں جتنے بھی ممالک موجود ہیں پاکستان نے ان سب پر واضح کیا کہ ہم وہ قوم ہیں جسے اپنا وقار دنیا میں سب سے زیادہ عزیز ہے ۔ اور پھر جب بات ہو افواج پاکستان کی تو یہ بات دنیا مانتی ہے کہ وطن عزیز پر ہر آن قربان ہونے کیلئے تیار رہنے والے پاکستان کے سپوت دنیا کے بہترین سپاہی ہیں۔

پاکستان پر کئی بار دشمنوں نے بری نظر ڈالی، ہمیں نیچا دکھانے کی کوشش کی مگر سب پر اچھے سے واضح ہو گیاکہ ہم وہ لوہے کا چنا ہیں جو آسانی سے کسی کا تر نوالہ نہیں بن سکتے ۔ حریت اور آزادی سےپیا ر ہمیں ہمارے خون میں ملا ہے ۔ کئی سو برس ہمارے ساتھ رہنے والی اور اکھنڈ بھارت کا نعرہ جپنے والی ہندو قوم جسے آج بھی پاکستان ہضم نہیں ہو سکا، اس نے کئی بار پاکستان کی خود مختاری اور آزادی پر حملہ کرتے ہوئے ہماری پشت میں خنجر گھونپنے کی کوشش کی مگر شاید وہ جانتی نہیں تھی کہ افواج پاکستان ہر دم ہر آن چوکس رہتی ہیں ، نتیجہ سب کے سامنے تھا ۔

انہیں منہ کی کھانی پڑی ۔ دشمن ملک کے ساتھ ہونے والی جنگوں میں وطن عزیز کے کچھ بہادر سپاہی تو ایسے بھی تھے جن کی بہادرری کو دشمن ملک نے بھی تسلیم کیااسی بہادر فوج کا بہادر سپاہی اور ان کی کمانڈ کرنے والابہادر ماں کا بیٹا راحیل شریف بھی تھا ۔ جنرل راحیل شریف جو ایک بہادر خاندان سے تعلق رکھتے ہیں اور پاک آرمی کوکمانڈ بھی کر چکے ہیں حال ہی میں ان کی 1965ء کی جنگ میں پکڑے گئے بھارتی ٹینک کے ساتھ ایک تصویر منظر عام پر آئی ہے جو حب الوطنی کی مثال کے طور پر پاکستانیوں کے ذہنوں میں ہمیشہ زندہ رہے گی۔ اس تصویر میں موجود ٹینک 1965 کی جنگ میں پکڑا گیا تھا ۔ اس ٹینک میں انڈین آرمی کے گھوڑے کے نام سے مشہورسی او 17پونا مارا گیا ۔۔میوزیم کے باہر موجود بھارتی ٹینک پر بھارت کے جھنڈے کی الٹی تصویر لگائی گئی ہے جو کہ تضحیک کی علامت ہے۔واضح رہے کہ دنیا بھر میں جنگوں میں پکڑے جانے والے سازو سامان پر مخالف ملک کو نیچا دکھانے کیلئے اس کے جھنڈے کی الٹی تصویر لگائی جاتی ہے۔

موضوعات:راحیل شریف