راولپنڈی (این این آئی)سابق وزیرداخلہ و سربراہ عوامی مسلم لیگ شیخ رشید احمد نے کہا ہے کہ آ ئی ایم ایف کی ساری شرائط قربانی سے پہلے غریب کی قربانی ہے۔سماجی رابطے کی ویب سائٹ ٹوئٹر پر ایک بیان میں سابق وزیرداخلہ و سربراہ عوامی مسلم لیگ شیخ رشید احمد نے کہا کہ حکومت نے215ارب روپے کامزید ٹیکس لگا کربجٹ کا ڈھانچہ مکمل تبدیل کردیاہے ،

جب کارخانے بند ہوں گے، لوگ بیروزگارہونگے ، مہنگائی ہوگی تو10 کھرب کے محصولات کہاں سے اکٹھے ہوں گے، آئی ایم ایف سے پردے کے پیچھے کیاہواہے ، کسی کو کچھ معلوم نہیں۔شیخ رشید احمد نے حکومت پر تنقید کرتے ہوئے کہا کہ بندرگاہیں، سٹیل مِل، روزویلٹ ہوٹل ، ایئرپورٹ ہائی ویز لیز پردینا انویسٹمنٹ نہیں، قومی اثاثے گروی رکھ کربیوقوف نہیں بنایاجاسکتا۔سربراہ عوامی لیگ نے کہا کہ عوام سڑکوں کی بجائے بیلٹ باکس کی طرف جاناچاہتی ہے۔

انہوں نے کہاکہ وزیرداخلہ ہزارلوگوں کوگولی مارنے اور پھانسی دینے کا کہتاہے، قحط زدہ بجٹ کیدوران وزیراعظم اورپارٹی سربراہان موجودنہیں تھے۔سابق وزیرداخلہ نے کہا کہ ان کے پاس عوام کامینڈیٹ نہیں ہے اور ڈیٹ آئی ایم ایف سے مانگ رہے ہیں، 13جماعتوں کی چودہ مہینے کی انٹرن شپ ناکام ہوگئی ، دبئی میں سیاسی کھچڑی پک رہی ہے، نواز شریف آجائے تو تیل دیکھے تیل کی دھاردیکھئے ۔انہوں نے کہا کہ دو تہائی کے بغیر قانون بنارہے ہیں اور سپریم کورٹ کونہیں مان رہے، یہ لوگ عوام میں بینقاب ہوگئے ہیں، الیکشن ہرصورت ہوکررہیں گے۔

موضوعات:شیخ رشید احمد