لاہور(این این آئی)سابق وزیراعلیٰ پنجاب اور پاکستان تحریک انصاف کے صدر چوہدری پرویز الہٰی کی لاہور اور گوجرانوالہ کی عدالتوں سے رہائی کے بعد دوبارہ گرفتاری پر ان کے بیٹے اور سابق وفاقی وزیر مونس الہٰی نے کہاہے کہ صرف انتقامی ایجنڈے کے تحت مقدمات درج ہو رہے ہیں،پرویز الہٰی عدلیہ سے سرخرو ہو رہے ہیں۔

مونس الہٰی نے ٹویٹرپربیان جاری کرتے ہوئے لکھاکہ پہلے کرپشن کرپشن کی رٹ لگائی ہوئی تھی، لاہور کے ایک اور گوجرانوالہ کے دونوں کیسز میں پرویز الہٰی بری ہو گئے۔مونس الہٰی نے لکھا کہ اب پنجاب اسمبلی کی بھرتیوں کے بھونڈے کیس میں پرویز الہٰی کو گرفتار کیا گیا ہے، صرف انتقامی ایجنڈے کے تحت مقدمات درج ہو رہے ہیں، پرویز الہٰی عدلیہ سے سرخرو ہو رہے ہیں۔

موضوعات:مونس الٰہی