ملتان(این این آئی)نشتر ہسپتال کی انتظامیہ نے مشیر وزیراعلی پنجاب طارق گجر کو چھت پر لے جانے والے سکیورٹی گارڈز کو ہی تبدیل کر دیا۔ہسپتال ذرائع کے مطابق انتظامیہ نے 8 سکیورٹی گارڈز تبدیل کو دیا ہے، گارڈز مشیر وزیر اعلی پنجاب کے دورے کے موقع پر چھت

کو جانے والے دروازوں پر تعینات تھے۔ذرائع نے نشتر ہسپتال انتظامیہ کے اجلاس کی اندرونی کہانی بناتے ہوئے کہا کہ اجلاس میں کہا گیا مشیر وزیراعلی پنجاب طارق گجر کو چھت پر لے جانے کی ضرورت کیا تھی، مشیر وزیراعلی کو چھت پر جانے سے روکنے کا کام سکیورٹی گارڈز کا تھا۔سینئرز ڈاکٹرز کا اجلاس میں مقف تھا کہ لاشوں کی تدفین کا کام ہسپتال انتظامیہ کا ہے۔یاد رہے کہ دو روز قبل نشتر ہسپتال کے سرد خانے کی چھت اور صحن کی ویڈیو سامنے آئی تھی جس میں درجنوں لاوارث لاشیں گل سڑ رہی تھیں۔ویڈیو منظر عام پر آنے کے بعد وزیراعلی پنجاب چوہدری پرویز الٰہی نے واقعے کا نوٹس لیا تھا جبکہ وزیراعلی پنجاب کے مشیر طاہر گجر نے نشتر ہسپتال کا دورہ بھی کیا تھا۔انہوںنے کہا تھا کہ سرد خانہ کھلوایا تو وہاں بہت ساری لاشیں تھیں، اندازیکے مطابق 200 لاشیں سرد خانے میں تھیں، لاشوں پرایک کپڑا تک نہیں تھا، اپنی 50 سالہ عمر میں پہلی بار ایسا دیکھا۔

موضوعات:نشتر ہسپتال