نائیجیرین خاتون کی بھارتی دلہن کے روپ میں ویڈیو وائرل

ابوجہ(این این آئی)سوشل میڈیا انسٹاگرام پر ایک نائیجیرین خاتون کی بھارتی دلہن کے روپ میں ویڈیو نے دھوم مچا دی ۔

میڈیارپورٹس کے مطابق تیزی سے مقبول ہوتی اس ویڈیو میں نائیجیرین خدو خال کا چہرہ بھارتی عروسی ثقافت اوڑھتے ہوئے دلچسپ منظر پیش کر رہا ہے۔

ویڈیو میں نائیجیرین خاتون کو ہندوستانی عروسی لباس میں ملبوس بھارتی روایتی میک کرتے ہوئے دکھایا گیا ہے۔

دوسری جانب اس ویڈیو کو اپلوڈ کرتے ہوئے میک اپ آرٹسٹ نیہا وڑائچ گروور کا بتانا تھا کہ نائیجیرین خاتون کو بھارتی دلہن کا روپ دینا ان کا ایک خواب تھا جو کہ آج پورا ہو گیا ہے۔

نیہا کا کہنا تھا کہ اپنے اس خواب کی تکمیل کے لیے وہ ایک افریقی ماڈل کی تلاش میں تھیں اور پھر انہیں ماڈل کے بجائے ایک حقیقی دلہن کا میک اپ کرنے کا موقع مل گیا۔

موضوعات:بھارتی دْلہن