اسلام آباد (این این آئی)اٹارنی جنرل آفس نے عدالتی کمیشن کی کارروائی کے معاملے پر جاری تنازعے پر افسوس کا اظہار کیا ہے۔

اٹارنی جنرل آفس کی جانب سے جوڈیشل کمیشن کے سربراہ و ارکان کو لکھے گئے خط میں کہا گیا کہ اعلیٰ عدلیہ میں تقرریاں میرٹ پر کی جانی چاہئیں۔نجی ٹی وی کے مطابق اٹارنی جنرل آفس نے خط میں لکھا کہ اعلیٰ عدلیہ میں تقرریاں میرٹ پر کی جائیں اس حوالے سے آئندہ اجلاس میں میرٹ کا خیال رکھنا ہوگا۔خط میں کہا گیا ہے کہ کمیشن کے ارکان مجموعی طور پر اپنی سفارشات بھجوائیں۔ خط میں اٹارنی جنرل آف پاکستان نے جسٹس سردار طارق سے مکمل اتفاق کیا۔ جسٹس سردار طارق نے پانچ نامزدگیوں کو مسترد کیا تھا۔قبل ازیں کا ایک بیان اٹارنی جنرل کا کہنا تھا کہ ہائی کورٹ کے ججز ہوں یا سپریم کورٹ کے ججز ہم پر بھاری ذمہ داری ہے، بدقسمتی سے ججز کے حوالے سے دستاویزات نہیں دیکھ سکا۔واضح رہے کہ جمعرات کو جوڈیشل کمیشن کے اجلاس میں سپریم کورٹ کے لیے 5 ججز کے ناموں پرغور کیا گیا تھا۔

موضوعات:اٹارنی جنرل