ایاز امیر پر حملے کا مقدمہ درج

لاہور( این این آئی)سینئر صحافی ایاز امیر پر حملے کا مقدمہ قلعہ گجر سنگھ تھانے میں درج کر لیا گیا۔

مقدمہ ایاز امیر کے ڈرائیور کی مدعیت میں 6 نامعلوم حملہ آوروں کے خلاف درج کیا گیا ہے، مقدمے میں 147، 149، 506 اور 382 کی دفعات شامل کی گئی ہیں۔

واضح رہے کہ جمعہ کی شب نامعلوم افراد نے سینئر صحافی اور تجزیہ کار ایاز امیر کو تشدد کا نشانہ بنایا تھا۔

سینئر صحافی دنیا نیوز کے دفتر سے نکل کر گھر واپس جا رہے تھے کہ نامعلوم افراد نے گاڑی روک کر تشدد کا نشانہ بنا ڈالا اور ان کا پرس اور موبائل فون بھی چھین لیا۔

موضوعات:ایاز امیر