جنرل ایوب خان کا نواسہ جاں بحق

پشاور(مانیٹرنگ ڈیسک) ہری پور میں ٹریفک حادثے میں سابق ممبر قومی اسمبلی  میاں گل عدنان اورنگزیب جاں بحق ہوگئے۔

خاندانی ذرائع نے میاں گل عدنان اورنگزیب کے ٹریفک حادثے میں انتقال کی تصدیق کی ہے۔میاں گل عدنان اورنگزیب ہزارہ یونیورسٹی سے واپس جارہے تھےکہ راستے میں ان کی گاڑی حادثے کا شکار ہوئی جس کے نتیجے میں وہ جاں بحق ہوگئے۔

خیال رہےکہ میاں گل عدنان اورنگزیب سابق والی سوات کے پوتے اور سابق فوجی حکمران جنرل ایوب خان کے نواسے تھے، اس کے علاوہ سابق وفاقی وزیر عمر ایوب خان کے بہنوئی بھی تھے۔

وزیراعلیٰ خیبر پختونخوا محمودخان  نے میاں گل عدنان اورنگزیب کے انتقال پر اظہار افسوس کرتے ہوئےکہا ہےکہ وہ اہل خانہ کے غم میں برابرکے شریک ہیں۔

موضوعات:ایوب خان