اسلام آباد(مانیٹرنگ ڈیسک، آن لائن)وفاقی وزیر اطلاعات و نشریات مریم اورنگزیب نے کہا ہے کہ وفاقی حکومت اور پاکستان تحریک انصاف کے درمیان کوئی معاہدہ نہیں ہوا ۔ حکومت اور تحریک انصاف کے درمیان مذاکرات اور معاہدہ کی خبر بے بنیاد ہے ۔

پولیس اہلکاروں کو شہید کرنے والے مسلح جتھے کے ساتھ کوئی معاہدہ نہیں کیا گیا۔دوسری جانب نجی ٹی وی دنیا نیوز کے مطابق حکومت اور پی ٹی آئی میں معاہدہ طے پاگیا، معاہدے کے مطابق پاکستان تحریک انصاف لانگ مارچ نہیں بلکہ جلسہ کرے گی۔ عمران خان جلسے کے بعدواپس چلے جائیں گے۔بتایا جا رہا ہے کہ صبح 10 بجے سے دوپہر ڈیڑھ بجے تک حکومت اور پی ٹی آئی میں مذاکرات جاری رہے۔ پی ٹی آئی کی جانب سے اسد عمر ،شاہمحمود قریشی اور پرویز خٹک جبکہ حکومت کی طرف سے ایاز صادق، یوسف رضا گیلانی ، اور اسد محمود نے مذاکرات میں شرکت کی۔دوسری جانب وزیر داخلہ رانا ثناء اللہ نے اسلام آباد انتظامیہ اور پولیس کو ہدایات کی ہے کہ سرکاری ملازمین اورڈیوٹی پر آنے والے دیگرکسی بھی شخص کواسلام آباد داخل ہونے نہ روکا جائے۔میڈیا ٹاون سے جڑواں شہروں کیلیے آنے والے میڈیا پرسنز کوانٹری پوائنٹس پر ہرگز نہ روکا جائے۔ جبکہ جڑواں شہروں کے ہسپتالوں کیطرف جانے تمام راستوں کو کھلا رکھا جائے۔کسی بھی مریض یا انکے تیمارداروں کو شہر کے کسی بھی سرکاری یا نجی ہسپتال آنے سے نہ روکا جائے۔

وفاقی حکومت اور پاکستان تحریک انصاف کے درمیان کوئی معاہدہ نہیں ہوا ۔ حکومت اور تحریک انصاف کے درمیان مذاکرات اور معاہدہ کی خبر بے بنیاد ہے .پولیس اہلکاروں کو شہید کرنے والے مسلح جتھے کے ساتھ کوئی معاہدہ نہیں کیا گیا.

— Marriyum Aurangzeb (@Marriyum_A) May 25, 2022

موضوعات:مریم اورنگزیب