لاہور ، کراچی (آن لائن، آئی این پی) ڈالر کی اونچی اڑان کا سلسلہ بدستور جاری ہے بتایا گیا ہے کہ ڈالر کی انٹر بینک قیمت میں مزید 10 پیسے کا اضافہ دیکھنے میں آیا جس کے ساتھ ڈالر کی انٹر بینک قیمت 181 روپے 83 پیسے کی سطح پر پہنچ گئی۔دوسری جانب ایک رپورٹ کے مطابق

پاکستا ن نے گزشتہ مالی سال میں 7.4 ارب ڈالرز قرض ادا کردیا، ادا کی گئی رقم میں 7.267ارب ڈالرز مرکزی قرضے اور 13 کروڑ ڈالرز ضمانتی قرضے تھے۔تفصیلات کے مطابق 30 جون 2021 کو ختم ہونے والے گزشتہ مالی سال کے دوران پاکستان نے مجموعی طور پر 7.4 ارب ڈالرز کے قرضے ادا کیے ہیں۔ سال بک برائے 2020-21 میں کہا گیا ہے کہ اقتصادی امور ڈویژن (ای اے ڈی)بروقت قرضوں کی ادائیگی کا ذمہ دار ہے۔ ادا کیے گئے غیرملکی قرضوں کی مجموعی مالیت 7.397 ارب ڈا لرز ہے جس میں 7.267 ارب ڈالرز مرکزی قرضے اور 13 کروڑ ڈالرز ضمانتی قرضے تھے۔اس طرح مرکزی قرضے 98.24 فیصد تھے، کوروناوائرس وبا کے تناظر میں جی۔20 ممالک کی جانب سے قرضوں کی ادائیگی معطلی کے اقدامات(ڈی ایس ایس آئی)کا اعلان کیا گیا تھا، جس کی وجہ سے ترقی پذیر ممالک کو قرض ریلیف کے حصول کا موقع ملا تھا۔حکومت پاکستان نے بھی جی۔20 ڈی ایس ایس آئی فریم ورک کے تحت قرضوں کی ری شیڈولنگ کی درخواست دی اور مئی 2020 سے دسمبر، 2021کے دوران مجموعی طور پر 3.785 ارب ڈالرز کی معطلی حاصل کی۔

موضوعات:ڈالر