راولپنڈی (این این آئی)وفاقی وزیر برائے ہوا بازی غلام سرور خان نے کہا ہے کہ جتنی کرپشن مولانا فضل الرحمن نے کی اتنی کسی دینی جماعت نے کرپشن نہیں کی، عدم اعتماد اپوزیشن کا جمہوری حق ہے، پی پی اور ن لیگ نے متعدد باریاں لگائیں، کمیشن لیا ،لوٹ مار کی بیرون ملک اپنے اثاثے بنائے، یہ عمران خان سے این آر او چاہتے تھے مگر انہیں نہیں ملا ۔

راولپنڈی میں پریس کانفرنس کرتے ہوئے وفاقی وزیر برائے ایوی ایشن غلام سرور خان نے کہا کہ آج روٹین پریس کانفرنس ہے صورتحال اسپیشل ہے، عدم اعتماد اپوزیشن کا جمہوری حق ہے۔انہوں نے کہا کہ میرا سوال ہے ان کے پاس چارج شیٹ کیا ہے، پی پی اور ن لیگ نے متعدد باریاں لگائیں، انہوں نے کمیشن لیا لوٹ مار کی بیرون ملک اپنے اثاثے بنائے، صرف ن لیگ نے نہیں زرداری نے بھی کرپشن کی۔انہوں نے کہا کہ جتنی کرپشن مولانا فضل الرحمن نے کی اتنی کسی دینی جماعت نے کرپشن نہیں کی، انہوں نے مدرسوں کی کمائی کھائی۔ انہوں نے کہا کہ نواز شریف بیماری کا بہانہ بنا کر ملک سے بھاگ گئے۔انہوں نے کہا کہ (ن) لیگ نے جلا وطنی کا ڈرامہ رچایا بعد میں گواہ اور ضامن آگئے، اب تو خوشی خوشی سے گئے ہیں، نواز شریف نے کہا معاہدہ پانچ سال کا تھا اور معائدے پر دس سال لکھ دیا۔انہوں نے کہا کہ پہلے دن سے وزیر اعظم کی تقریر کے موقع پر ہلڑ بازی گندی زبان استعمال کی تقریر کا موقع نہیں دیا، یہ عمران خان سے این آر او چاہتے تھے لیکن عمران خان نے انہیں این آر او نہیں دیا۔

موضوعات:غلام سرور خان