لاہور (آن لائن) پنجاب اسمبلی میںاپوزیشن لیڈر حمزہ شہباز شریف نے کہا ہیکہ عمران خان نے جو چال چلنی تھی چل چکے،اب اللہ کا فیصلہ ہو گا، قوم نے عدم اعتماد کر دیا ہے اب تم سے ایک ایک پیسے کا حساب لیں گے، ہم آئین کے ذریعے محاسبہ کریں گے، تمہاری طرح دھرنا دے کر نہیں، عوام نے فیصلہ کر لیا ہے اتحادی جماعتوں سے بھی بات چل رہی ہے، اب تمہیں ہرصورت جانا ہو گا۔

احتساب عدالت میں پیشی کے بعدمیڈیا سے گفتگو کرتے ہوئے انہوںنے کہاسٹیٹ بینک کے ریکارڈ کے مطابق عمران نیازی نے14 ممالک سے آنے والی فنڈنگ کو چھپایا گیا ،یہ سٹیٹ بینک کا ریکارڈ ہے ،27 اکاو ¿نٹس چھپائے گئے جنکی تفصیلات جمع نہیں کرائی،ان اکائونٹس میں پیسہ انڈیا سے آیا، یہ اکائونٹس ہر محکمے سے چھپائے گئے ،انہوںنے مزید کہا کہ عمران نیازی توشہ خانہ میں کیا کیا جیب میں ڈالا اس کا حساب کیوں نہیں دیتے، ملک میں جو ترقی نواز شریف چھوڑ کر گئے تھے آج وہ بھی ختم ہو گئی ہے، ہم نے جھوٹے وعدے نہیں کئے کام کر کے دکھایا تھا، آج لوگ بھوکے ہیں مریضوں کو ادویات نہیں مل رہی ہیں، کیا عمران خان سے حساب لینے والا کوئی ہے،روز پٹرول بم گرتا ہے اورعوام ماتم کرتے ہیں، چارسال سے مسلم لیگ (ن) جیلوں میں ہے یا عدالتوں میں پیشیاں بھگت رہے ہیں، اپوزیشن نے اسے کیا بے نقاب کرنا تھا ان کے جھوٹ کی قلعی خود ہی کھل گئی ہے،انہوںنے مزید کہا کہ قوم سے کئے گئے وعدے وفا نہ ہوئے، کہاں ہے نیا پاکستان جسکا وعدہ کیا تھا،باوجود دھاندلی زدہ الیکشن کے ہم جمہوریت کے بھلے کے لیے کالی پٹیوں کے ساتھ اسمبلی گئے،ہم نے سوچا شاید عمران خان کچھ کرکے دکھائے ہم نے جھوٹے وعدے نہیں کیے، کھودا پہاڑ نکلا چوہا،یہ عوامی عدالت ہے عمران نیازی آپکے جھوٹ بھی ختم ہو گئے ،عمران نیازی شریف خاندان سے انتقام میں اندھا ہو گیا ہے،عمران نیازی کو جانا ہو گا، نواز شریف کو لانا ہو گا۔

موضوعات:حمزہ شہباز