اسلام آباد، لاہور(این این آئی)وفاقی وزیر داخلہ شیخ رشید احمد نے کہا ہے کہ وزیر اعظم عمران خان کہیں نہیں جارہے اپنے پانچ سال پورے کریں گے، بکنے والوں سے تبدیلی نہیں آئے گی۔ ان خیالات کا اظہار انہوں نے سول سیکرٹریٹ آمد کے موقع پر میڈیا سے گفتگو کرتے ہوئے کیا۔وزیر داخلہ شیخ رشید احمد نے اپنے حلقے میں جاری ترقیاتی منصوبوں کے حوالے سے سیکرٹری خزانہ سے ملاقات کی۔

اس موقع پر میڈیا سے گفتگو کرتے ہوئے شیخ رشید احمد نے کہا کہ اپوزیشن جتنی مرضی پھرتیاں دکھا لے اس سے کچھ نہیں بن پائے گا۔ وزیر اعظم عمران خان کہیں جارہے اور ان شا اللہ اپنے پانچ سال پورے کریں گے۔ انہوں نے کہا کہ بکنے والوں سے تبدیلی نہیں آئے گی۔انہوں نے کہا کہ عمران خان کو چھوڑنے والا غلط فیصلہ کرے گا۔ وفاقی وزیر داخلہ شیخ رشید احمد نے کہا ہے کہ ایک سال رہ گیا ہے سیاسی گہما گہمی شروع ہوچکی ہے،اپوزیشن عقل کے ناخن لے،اپوزیشن نے کارڈ چھپائے ہیں تو عمران خان نے سینے کے ساتھ کارڈ لگائے ہیں،جہانگیر ترین ذمہ داری کا ثبوت دے گا، اپوزیشن پہلے بھی ناکام ہوئی آئندہ بھی ناکام ہوگی۔میڈیا سے گفتگو کرتے ہوئے شیخ رشید احمد نے کہاکہ اوآئی سی وزرائے خارجہ کانفرنس کے موقع پر چھٹی ہوگی۔ انہوں نے کہاکہ آسٹریلیا کی ٹیم 27تاریخ کو آرہی ہے،پوری قوم کرکٹ کی شوقین ہے، سیکیورٹی کے انتظامات کیے ہیں۔ انہوں نے کہاکہ سندھ میں 13پاسپورٹ کے اور نادرا کے 28نئے آفس کھولیں گے، پاکستان ای پاسپورٹ کی طرف جارہا ہے۔ انہوں نے کہاکہ 1819 کی سروس شروع کریں گے۔ انہوں نے کہاکہ اپوزیشن بڑے شوق سے آئے کچھ نہیں ملے گا،تحریکوں کے نتائج خواہش کے مطابق نہیں ہوتے،عدم اعتماد لے آئیں کچھ نہیں ہونا،172ممبر آپ نے لانا ہے پھر نہ کہنا فون آگیا۔ انہوں نے کہ اکہ خواتین کیلئے بازار الگ بنارہے ہیں۔

اپوزیشن کے حوالے سے ایک سوال پر انہوں نے کہاکہ تیئس مارچ کو نہیں آئیں گے اپوزیشن نے کارڈ چھپائے ہیں تو عمران خان نے سینے کے ساتھ کارڈ لگائے ہیں۔ انہوں نے کہاکہ ایک سال رہ گیا ہے سیاسی گہما گہمی شروع ہوچکی ہے،اپوزیشن عقل کے ناخن لے ورنہ ان کی بیوقوفیوں کی وجہ سے ملک کو نقصان پہنچ سکتا۔ انہوں نے کہاکہ پھر یہ کہیں گے فون کالز آگئیں تھیں۔ ایک سوال پر انہوں نے کہاکہ جہانگیر ترین ذمہ داری کا ثبوت دے گا۔

موضوعات:شیخ رشید