لاہور(این این آئی) سابق انگلش کپتان مائیکل وان نے پاکستان سپر لیگ کو دنیا کی بہترین ٹورنامنٹ قرار دے دیا ہے۔سماجی رابطے کی ویب سائٹ ٹوئٹر پر مائیکل وان نے اپنے ایک بیان میں کہا کہ پی ایس ایل میں اعلی معیار کے کھلاڑی ہوتے ہیں، پی ایس ایل کے اختتام تک شائقین کی دلچسپی برقرار رہتی ہے۔

سابق انگلش کپتان نے مزید کہا کہ دوسرے ٹی ٹوئنٹی ٹورنامنٹ میں ایسا نہیں ہوتا۔اس سے قبل انگلینڈ کرکٹ ٹیم کے سابق کپتان مائیکل وان پاکستان سپر لیگ کی تعریف کیے بغیر نہ رہ سکے تھے۔انہوں نے ٹوئٹر بیان میں پی ایس ایل کو دنیا کی بہترین ٹی ٹوئنٹی لیگز میں سے ایک قرار دیا تھا۔مائیکل وان کا کہنا تھا کہ پاکستان سپر لیگ دنیا کا دوسرا بہترین ٹی ٹوئنٹی ٹورنامنٹ ہے جب کہ یہ انڈین پریمیئر لیگ سے بھی کم نہیں، پی ایس ایل میں کرکٹ کا معیار شاندار ہے۔ جنوری میں مائیکل وان نے روایتی حریف پاکستان اور بھارت کے مقابلے کو کرکٹ کی مقبول ترین ایشز سیریز سے بھی زیادہ بڑا میچ قرار دیتے ہوئے کہا تھا کہ یہ مقابلہ دنیا بھر کے کروڑوں افراد دیکھتے ہیں۔مائیکل وان کا کہنا تھا کہ پاکستان اور بھارت کی ٹیمیں جب بھی مدمقابل ہوں تو شائقین کا جوش و خروش عروج پر ہوتا ہے اور یہ میچ صرف دو ممالک کے لوگ نہیں بلکہ دنیا بھر کے کروڑوں افراد دیکھتے ہیں۔

موضوعات:مائیکل وان