ممبئی (مانیٹرنگ، آن لائن )بھارتی کرکٹ بورڈ نے ویرات کوہلی کو گھر بھیج دیا،بھارتی کرکٹ بورڈ نے سابق کپتان ویرات کوہلی کو دس دنوں کی چھٹیوں پر گھر بھیج دیا ہے، بھارتی میڈیا کا کہنا ہے کہ سابق کپتان ویسٹ انڈیز کے خلاف ہونے والے تیسرے ٹی ٹوئنٹی میچ سے قبل ہی

بائیو سکیورببل چھوڑ کر گھر چلے گئے ہیں۔ دوسری جانب بھارتی ٹیسٹ اوپنر روہت شرما کو ٹیسٹ ٹیم کا مستقل کپتان مقرر کردیا گیا ہے۔بھارتی ون ڈے اور ٹی ٹوئنٹی ٹیم کے 34 سالہ کپتان روہت شرما کو سابق ٹیسٹ کپتان ویرات کوہلی کے کپتانی چھوڑنے کے بعد ٹیسٹ ٹیم کی کپتانی بھی سونپ دی گئی۔ویرات کوہلی نے جنوری میں جنوبی افریقا کے خلاف ٹیسٹ سیریز میں شکست کے بعد کپتانی چھوڑنے کا فیصلہ کیا تھا۔ان کی کپتانی میں بھارت نے سیریز کا آغاز جیت کے ساتھ کرنے کے باوجود تین میچز کی سیریز میں 1-2 سے شکست کھائی تھی۔یکم مارچ سے سری لنکا کے خلاف شروع ہونے والی دو میچز کی ہوم ٹیسٹ سیریز روہت شرما کی بطور فل ٹائم ٹیسٹ کپتان پہلی سیریز ہوگی۔اگرچہ بھارت کے پاس کے ایل راہول، جسپریت بمراہ اور ریشابھ پانت جیسے دیگر نوجوان آپشنز بھی موجود تھے تاہم بھارتی سلیکٹرز نے روہت شرما کے تجربے کو کو فوقیت دی۔

موضوعات:ویرات کوہلی