اسلام آباد(آن لائن )پاکستان مسلم لیگ (ن) کی ترجمان مریم اورنگزیب نے کہا ہے کہ جس کی نوکری نوٹس پیریڈ پر چل رہی ہو وہ شہباز شریف کو یاد کرے گا ، عمران خان

نے عوام سے گفتگو نہیں بلکہ نوکری میں توسیع کی درخواست تھی ، ایک ہارے ہوئے، مایوس، نالائق اور چور ثابت ہوجانے والے شخص کے جذبات کا اظہار تھا ۔ وزیراعظم عمران خان کے خطاب پر ردِ عمل دیتے ہوئے مریم اورنگزیب نے کہا عمران صاحب گھبرانے کا نہیں، اب گھر جانے کا وقت ہے ۔چار سال میں عوام کے لئے کچھ کیا ہوتا تو نوازشریف، شہبازشریف نہ کرنا پڑتا۔نوازشریف مسکراتا رہے گا، عمران صاحب روتے رہیں گے ۔نوازشریف، شہبازشریف نے قوم کی دعائیں لیں، عمران صاحب نے بددعائیں لیں۔روئیں، چیخیں، پٹیں جو مرضی کہیں، عمران صاحب گھر جانے کا وقت ہو گیا ہے ۔عمران صاحب بہت نوازشریف، شہبازشریف ہوگیا، اب گھر جائیں۔عمران صاحب ڈیڑھ گھنٹہ تقریر کریں یا ڈیڑھ منٹ، صرف نوازشریف، شہبازشریف۔

موضوعات:مریم اورنگزیب