کراچی(مانیٹرنگ ڈیسک ، این این آئی)ویسٹ انڈیز کے تمام کھلاڑیوں کے کورونا ٹیسٹ منفی آنے کے بعد پاکستان سے تیسرا ٹی ٹوئنٹی مقررہ وقت پر ہوگا۔میڈیا رپورٹس کے مطابق دونوں ٹیموں کے درمیان تیسرے

ٹی ٹوئنٹی کا انحصار ویسٹ انڈین کھلاڑیوں کے کورونا ٹیسٹ پر منحصر تھا اور اب اطلاعات ہیں کہ مہمان ٹیم کے تمام کھلاڑیوں کے کورونا ٹیسٹ منفی آ گئے ہیں۔ پاکستان کرکٹ بورڈ نے میچ کے لیے پروڈکشن ٹیم کو سٹیڈیم جانے کا گرین سنگل دے دیا ہے۔پاکستان اور ویسٹ انڈیز کے درمیان ون ڈے سیریز کھیلنے کا فیصلہ دونوں بورڈز کے اجلاس کے بعد ہو گا۔ دونوں ٹیموں کے درمیان تین ون ڈے میچوں کی سیریز کا آغاز ہفتے سے ہوگا۔دوسری جانب ذرائع کا کہنا ہے کہ 36 گھنٹے کی کمرشل فلائٹ میں کورونا مثبت کیس سامنے آئے تاہم ویسٹ انڈین کھلاڑیوں میں اومی کورون ویرینٹ نہیں ہے۔ذرائع کا کہنا ہے کہ ویسٹ انڈین کھلاڑیوں کو خدشہ ہے کہ مختلف ائیر پورٹس سے ویسٹ انڈین کھلاڑی کورونا میں مبتلا ہوئے۔

موضوعات:میچ