کراچی (آن لائن)پیپلز پارٹی کے رہنماء سید ناصر حسین شاہ نے کہا ہے کہ جو آئی ایم ایف وفاقی حکومت کو چڑیل لگتی تھی۔آج وہ مس ورلڈ لگنے لگی ہے۔آئی ایم ایف کے کہنے پر مہنگائی بڑھائی جارہی ہے

اور الزام سابقہ حکومتوں کو دیا جارہا ہے۔نااہل حکومت نے فوج جیسے معتبر ادارے کو بھی متنازعہ کردیا ہے۔12 ربیع الاول کی وجہ سے جلسہ ایک دن پہلے منعقد کررہے ہیں۔آج کے جلسے میں ملک بھر کے جمہوریت پسند شریک ہوئے ہیں۔ اتوار کو جلسہ گاہ میں میڈیا سے بات چیت کرتے ہوئے انہوں نے کہا آج کا جلسہ 18 اکتوبر کے شہیدوں کے نام ہے۔ہم یہاں اپنے شہداء کو خراج عقیدت پیش کرنے یہاں جمع ہوئے ہیں۔الزام لگانے والوں کو اپنا کام کرنے دیں۔آج کے جلسے میں جمہوریت پسند جمع ہوئیہیں۔موجودہ حکومت کی پالیسیاں عوام کو باہر نکلنے پر مجبور کررہی ہے .بجلی اور پیٹرولیم مصنوعات کی قیمتیں بڑھائی جا رہی ہیں .ان کو آئی ایم ایف پہلے چڑیل لگتی تھی اب ان کو مس ورلڈ لگ رہی ہے .پاک فوج میں روٹین کی تبدیلی کو متنازعہ بنادیا گیا .آغا سراج درانی سمیت اپوزیشن کے رہنماؤں کو نشانہ بنا کر انتقامی سیاست کی جا رہی ہے .گورنر سندھ پڑھے لکھے ہیں شاید ان کی زبان پھسل گئی ہو گی .جادو ٹونے کی باتوں کو خاتون سے منسوب کیا جا رہا ہے .ہم خواتین کی عزت کرتے ہیں اور ایسی باتوں کا جواب دینا مناسب نہیں سمجھتے۔

موضوعات:آئی ایم ایف