پشاور (این این آئی)وفاقی وزیر مذہبی امور نورالحق قادری نے عمرہ خواہش مندوں کو اچھی خبر سناتے ہوئے کہا ہے کہ آئندہ 3 ، 2 ہفتے میں پاکستانی عازمین کیلئے

بھی پابندیاں ختم ہو جائیں گی۔وفاقی وزیرمذہبی نے پشاور میں حاجی کیمپ فیز7میں نئے رہائشی بلاک کا افتتاح کر دیا۔ اس موقع پر انہوں نے کہا کہ حجاج کرام کی خدمت کیلئے نئی بلڈنگ قائم کردی گئی یہاں پرحجاج کرام کوتمام سہولت مہیاکی جائیگی۔وفاقی وزیر نے کہا کہ حجاج کرام کیتربیتی نظام اورکلاسز کیلئے یہاں بندوبست کیاجائیگا ایک ہی چھت تلے دستاویزات کی جانچ،ویکسی نیشن بھی کی جاسکے گی۔انہوںنے کہاکہ عمرہ، حج سیمتعلق کوئی اضافی خرچہ وصول نہیں کیا جا رہا ہے دنیا بھر میں حج اور عمرے کی قیمتوں میں اضافہ ہوا ہے ایئرلائنز کے ٹکٹ مہنگے ہونے سے حج، عمرے پیکیج میں اضافہ ہوا۔نورالحق قادری نے کہا کہ دنیابھر میں کورونا پابندیوں میں نرمی کی جارہی ہیں آئندہ 3 ، 2ہفتے میں پاکستانی عازمین کیلئے بھی پابندیاں ختم ہو جائیں گی۔

موضوعات:نورالحق قادری