اسلام آباد ( آن لائن) اراکین پارلیمنٹ کی بڑی تعداد کے کورونا وائرس میں مبتلا ہو جانے کے باعث پارلیمنٹ کا مشترکہ اجلاس 13 ستمبر کو نہ ہونے کا امکان ہے ۔پارلیمانی ذرائع نے آن لائن کو بتایا کہ صدر عارف نے ابھی تک 13ستمبر کے اجلاس کے حوالے سے سمن بھی جاری

نہیں کئے تاہم حکومت نے چند دن قبل سپیکر قومی اسمبلی اسد قیصر سے مشاورت کے بعد 13 ستمبر کو پارلیمنٹ کا مشترکہ اجلاس بلانے کا اعلان کیا تھا تاہم ذرائع کا کہنا ہے کہ اراکین ایک بڑی تعداد یا تو بیرون ملک ہے یا پھر کورونا وائرس میں مبتلا ہونے کی وجہ سے قرنطینہ میں ہے اس لئے مشترکہ اجلاس 13 ستمبر کے بجائے20 ستمبر کو بلانے کی تجویز دی گئی ہے ۔ذرائع کا کہنا ہے کہ قومی اسمبلی سیکرٹریٹ اجلاس کی تیاریاں مکمل کرچکا ہے لیکن جب تک صدر مملک کی طرف سے سمن نہیں ملتے اس وقت اراکین کو آگاہ نہیں کیا جائیگا جیسے ہی سمن موصول ہوں گے اجلاس کا نوٹیفکیشن جاری کر دیا جائیگا ۔واضح رہے کہ آئین کے آرٹیکل 56 کے تحت صدر مملکت کے خطاب سے ہی پارلیمانی سال کا آغاز ہوگا تاہم ابھی تک ایوان صدر کی جانب سے قومی اسمبلی سیکرٹریٹ کو آگاہ نہیں کیا گیا حالانکہ وزیراعظم کی جانب سے سمری بھی بھجوائی گئی ہے لیکن اراکین کی بڑی تعداد کے غیر حاضر ہونے کے ڈر سے اجلاس 13 کے بجائے 20 ستمبر کو بلانے کی تجویز ہے ۔

موضوعات:پارلیمنٹ