کابل (مانیٹرنگ ڈیسک ، این این آئی) انتہا پسند بھارتی شہریوں نے پاکستان مخالف نعرے نہ لگانے پرافغان مہاجرین کو بہیمانہ تشدد کا نشانہ بنا ڈالا۔سوشل میڈیا پر وائرل ہونے والی ویڈیو میں دیکھا جا سکتا ہے کہ انتہا پسند بھارتیوں کا ایک گروہ دو افغان مہاجروں کو گھیرے میں لے لیتا ہے اور ان سے تقاضا کرتا ہے کہ وہ پاکستان کے خلاف نعرہ بازی کریں۔

ویڈیو میں دیکھا جا سکتا ہے کہ ناجائز مطالبہ نہ ماننے پر شدت پسند بھارتی افغان مہاجروں کو ذدوکوب کرتے ہیں اور انہیں تشدد کا نشانہ بناتے ہیں۔سوشل میڈیا پر ویڈیو دیکھنے کے بعد پاکستان سمیت دنیا بھر کے صارفین بھارتیوں کی اس حرکت پر تنقید کر رہے ہیں اور افغان مہاجروں کے ساتھ ہمددری کا اظہار کر رہے ہیں۔ایک صارف نے لکھا کہ یہ بھارتی شہریوں کا اصلی چہرہ ہے اور ان کا افغان مہاجرین کے ساتھ رویہ سب کے سامنے آ گیا ہے۔ایک رپورٹ کے مطابق دہلی میں تقریباً 10 ہزار افغان مہاجرین ہیں جن میں سے 90 فیصد کا تعلق ہندو اور سکھ برادری سے ہے۔ہندوستانی حکومت دوسرے مذاہب اور نسلوں کی حوصلہ شکنی کرتے ہوئے صرف ہندو اور سکھ پناہ گزینوں کو اجازت دے کر افغانوں کے ساتھ امتیازی سلوک کا مظاہرہ کر رہی ہے۔دوسری جانب افغان طالبان کے ترجمان ذبیح اللہ مجاہدنے کہا ہے کہ حقانی خاندان کے افراد کو امریکی بلیک لسٹ میں شامل کرنا دوحہ معاہدے کی خلاف ورزی ہے۔

میڈیارپورٹس کے مطابق ذبیح اللہ مجاہد نے اپنے ایک بیان میں کہا کہ حقانی خاندان بھی طالبان کی اسلامی امارت کا حصہ ہے، ان کی کوئی علیحدہ شناخت یا تنظیم نہیں ہے۔انہوں نے کہا کہ تمام طالبان حکام کو امریکی اور اقوامِ متحدہ کی بلیک لسٹ سے نکالنے کے حوالے سے دوحہ معاہدے میں طے ہوا تھا، ہم امریکا اور دیگر ممالک کے جارحانہ بیانات، داخلی

امور میں مداخلت کی کوشش کی سخت مذمت کرتے ہیں۔ذبیح اللہ کا کہنا تھا کہ امریکی حکام کی جانب سے اس طرح کے بیانات ماضی کے ناکام تجربات کی تکرار ہیں، سفارتی سطح پر بات چیت کے ذریعے ان غلط پالیسیوں کو فوری طور پر تبدیل کیا جائے۔ترجمان طالبان کا یہ بھی کہنا تھا کہ تمام طالبان حکام کو امریکی اور اقوامِ متحدہ کی بلیک لسٹ سے نکالنے کا مطالبہ اب بھی برقرار ہے۔

Mullah Abdul Hassan Akhunda will head Islamic Emirate government of Afghanistan with Mullah Baradar will be his deputy. Mullah Omar’s son Mullah Yaqoob, Defense Minister & Haqqani network’s Siraj Haqqani the Interior Minister. Pakistan prevailed!

— Ashok Swain (@ashoswai) September 7, 2021

موضوعات:تشدد