جمیکا (این این آئی) پاکستانی کرکٹ ٹیم کے بلے باز فواد عالم نے کہاہے کہ میزبان ٹیم کو کم سے کم رنز پر آؤٹ کردیا تو میچ جیتنے کی پوزیشن میں ہوں گے۔میڈیا سے گفتگو کرتے ہوئے انہوں نے کہاکہ ہمارا ہدف ویسٹ انڈیز کو جلد از جلد آؤٹ کرنا ہے،میزبان ٹیم کو کم سے کم رنز

پر آؤٹ کردیا تو میچ جیتنے کی پوزیشن میں ہوں گے۔ انہوں نے کہاکہ سنچری اپنے والدین کے نام کرتا ہوں ۔ انہوں نے کہاکہ میچ سے پہلے والدہ سے فون پر بات ہوئی تھی ،ماں نے کہا تھا کہ اس میچ میں تم سنچری بناؤ گے،والد کی بھی خواہش تھی کہ ویسٹ انڈیز میں سنچری اسکور کروں۔ انہوں نے کہاکہ ماں کی دعا ساتھ ہو تو ہر مشکل آسان ہوجاتی ہے،وکٹ آسان تھی نہ موسم، میچ کے پہلے روز گرمی اور حبس بہت زیادہ تھا۔ انہوں نے کہاکہ اللہ جب دیتا ہے چھپڑ پھاڑ کر دیتا ہے،پانچ مختلف ممالک میں سنچریاں بنانے پر اللہ کا شکر ادا کرتا ہوں،ہمیشہ اپنے والد سے متاثر ہوا ہوں ،زندگی میں اونچ نیچ چلتی رہتی ہے مگر میرے والد نے ہمیشہ حوصلہ بڑھایا۔ انہوں نے کہاکہ خوش قسمت ہوں کہ مشکل وقت میں میرے اہلخانہ نے ہمیشہ مجھے حوصلہ دیا،والد ہمیشہ کہتے تھے کہ لگے رہو تمہارا وقت ضرور آئے گا،یہ سلیبیریشن اسٹائل ترکش ڈرامہ ارتغل غازی سے متاثر ہوکر اپنایا ہے ،یہ سلیبیریش اسٹائل اظہر علی کے ساتھ طے کیا تھا،ہم دونوں نے سینچری بنانے پر یہ اسٹائل اپنانے کا فیصلہ کررکھا ہے۔

موضوعات:،فواد عالم