اسلام آباد (این این آئی)واپڈا کا اپنا ہی سابقہ ملازم بجلی چوری میں سب سے آگے،چوہدری شاہد حسین لائن سپریٹنڈنٹ کو نوکری سے برطرف کیا گیا تھا۔ڈائریکٹر ایف آئی اے اسلام آباد زون وقار احمدچوہان اور ڈپٹی ڈائریکٹر

اینٹی کرپشن سید رضوان شاہ کی ہدایت پر انیٹی کرپشن سرکلEGOA اسلام آباد کی کاروائی کی گئی۔ برطرف لائن سپریٹنڈنٹ بجلی چوری کر کے پانچ فیکٹریوں کو بجلی سستے داموں فراہم کر کے واپڈا اور قومی خزانے کو نقصان دے رہا تھا۔ اسلام آباد سنگجانی میں پرل ماربل اور کینٹ ماربل اور دیگر کل پانچ عدد فیکٹریاں غیر قانونی طریقہ سے بجلی چوری کر کے چلائی جا رہی تھیں۔ ریڈ FIA اسلام آباد زون کے EGOA سرکل کے انچارج اسسٹنٹ ڈایئریکٹررانا شاہد حبیب کی نگرانی میں سر انجام پایا-واپڈا کی M&T ٹیم FIA کی ٹیم کے ھمراہ رھی- جس نے اپنی رپورٹ میں ایک کروڑ اکسٹھ لاکھ ستترہزار نو سو اڑسٹھ روپے نقصان کا تخمینہ لگایا ہے۔تمام برآمد شدہ سامان کو FIA کی ٹیم نے اپنے قبضے میں لے لیا اور ملزمان فیکٹری مالکان چودھری شاہد حسین ،ملک جاوید اقبال ،شاہد محمود،منشی قاضی الیاس محمود ،کرایہ داران فیکٹری ٹھیکیداران محمد صادق ،شیخ الطاف ،منیر حسین ، فہد نواز اور واپڈا ملازم مرتضی کے خلاف مقدمہ درج کرلیاگیا۔

موضوعات:واپڈا