اسلام آباد (آن لائن) اسپیکر قومی اسمبلی اسد قیصر کے کفایت شعاری مہم کے دعوے دھرے کے دھرے رہ گئے۔ اسپیکر قومی اسمبلی اسد قیصر اراکین، اسٹاف

کے علاوہ رشتہ دار اسسٹنٹ عاصم پر بھی مہرباں،شاہی دورے میں رشتہ دار عاصم کو بھی ہمراہ لے گئے ۔پاک،ترک اور آزربئیجان کے مابین سہ فریقی فورم کا پہلا اجلاس منعقد ہو رہا ہے ۔اسپیکر قومی اسمبلی اسد قیصر اس اجلاس میں شرکت کے لئے 22رکنی وفد کے ہمراہ آزربئیجان کے دورے پر روانہ ہو رہے ہیں ۔ اسپیکر کی قیادت میں 22رکنی وفد آذربئجانی قیادت اور سہ فریقی فورم میں شرکت کریگا،وفد میں رکن قومی اسمبلی مرتضی عباسی،صبغت اللہ،صالح محمد،شوکت علی،سیف الرحمان اور چوہدری سالک شامل ہیں ۔ خرم شہزاد،منزہ حسن،اسامہ قادری،ناز بلوچ، مصطفی محمود اور عائشہ غوث پاشا بھی وفد میں شامل ہیں۔ سیکرٹری قومی اسمبلی طاہر خان سمیت سیکرٹریٹ کے سات لوگ بھی اسپیکر کے ہمراہ ہیں۔

موضوعات:اسد قیصر