اسلام آباد (مانیٹرنگ ڈیسک)وزیر اعظم عمران خان کے قریبی ساتھی زلفی بخاری کے عزیز اور پنجاب کے صوبائی وزیر برائے سوشل ویلفیئر اینڈ بیت المال سید یاور عباس بخاری کی ایک آڈیو کال لیک ہوئی ہے جس میں انہیں پانچ

ہزار کنال زمین کی ڈیل کرتے ہوئے سنا جاسکتا ہے۔نجی ٹی وی ایکسپریس نیوز کے پروگرام میں چلائی گئی اس آڈیو میں سنا جاسکتا ہے کہ یاور بخاری اپنے بھائی خاور بخاری کو کال کرکے ان سے اپنے ایک دوست کی بات کرواتے ہیں جس میں پانچ ہزار کنال زمین کی خریداری کی ڈیل کی جا رہی ہے۔یاور بخاری کے حوالے سے خاور بخاری کو کال کرنے والے شخص نے بتایا کہ وہ اٹک کے علاقے فتح جنگ میں پانچ ہزار کنال زمین خریدنا چاہتے ہیں۔خیال رہے کہ راولپنڈی رنگ روڈ سیکنڈل کی انکوائری کے سلسلے میں زلفی بخاری پہلے ہی وزیر اعظم کے معاون خصوصی برائے اوورسیز پاکستانیز کے عہدے سے استعفیٰ دے چکے ہیں ۔ معاملے کی اعلیٰ سطح پر انکوائری جاری ہے ۔

پانچ ہزار کنال کی ڈیل ۔۔زلفی بخاری کے کزن کی آڈیو لیک

*Team MAK* pic.twitter.com/LZI7TVZGyA

— Mansoor Ali Khan (@_Mansoor_Ali) May 25, 2021

موضوعات:منصور علی خان