لاہور(نیوز ڈیسک) سابق وزیر اعظم محمد نواز شریف کی اہلیہ بیگم کلثوم نواز 17اگست کو اچانک لندن روانہ ہو ئی تھیں ۔ لندن پہنچنے پر ان کے ضروری ٹیسٹ لئے گئے اور 22اگست کو انہیں گلے کے کینسر کی تشخیص ہوئی تھی ۔ ڈاکٹروں کی جانب سے بیگم کلثوم نواز کے مرض کو قابل علاج قرار دیا گیا تھا اوراس کے بعد سے وہ مسلسل زیر علاج تھیں۔بیگم کلثوم نواز لندن میں ایک سال ، ایک ماہ اور 24دن زیر علاج رہیں۔ کینسر کے علاج کے دوران

ان کی متعدد مرتبہ کیمو تھراپی بھی گئی ۔ دوران علاج طبیعت بگڑنے پر انہیں کئی مرتبہ وینٹی لیٹر پر بھی ڈالا گیا ۔  سابق وزیر اعظم محمد نواز شریف کی اہلیہ بیگم کلثوم نواز نے گزشتہ سال لاہور کے حلقے این اے 120 سے ضمنی انتخاب میں کامیابی حاصل کی لیکن اپنی طبیعت کی خرابی کی وجہ سے نہ صرف وہ انتخابی مہم چلاسکیں بلکہ وہ رکن قومی اسمبلی کی حیثیت سے حلف بھی نہیں اٹھا سکیں۔جبکہ آج وہ لندن میں وفات پا گئی ہیں

موضوعات:kalsoom nawaz wafat بیگم کلثوم نواز کلثوم نواز وفات