اسلام آباد (این این آئی) سابق وزیر خرم دستگیر خان نے پیپلز پارٹی کی جانب سے مسلم لیگ (ن)کے وزیر اعظم کے امیداوار پر تحفظات کے حوالے سے کہاہے کہ پیپلز پارٹی بھٹو خاندان کی ہی پارٹی رہے تو اسی میں ان کی بقاء ہے ۔ میڈیا سے بات چیت کرتے ہوئے خرم دستگیر خان نے کہا کہ یہ کٹھ پتلیوں کا تماشا ہے اور کچھ لوگ کٹھ پتلی بننے کے خواہشمند ہیں۔انہوںنے کہاکہ ایک ایسی پارٹی جو شہید بے نظیر کی پارٹی ہے

وہ بھٹو خاندان کی ہی پارٹی رہے تو اسی میں ان کی بقا ہے اور جس ایوانمیں ہم موجود ہیں اس کا تقدس بھی اس بات کا متقاضی ہے کہ اصولوں پر فیصلہ کیا جائے۔یہ رد عمل انہوں نے پیپلز پارٹی کی جانب سے وزیراعظم کے امیدوار پر تحفظات اور اپوزیشن الائنس کا ساتھ دینے کے حوالے سے کیے گئے سوالات کے جواب میں دیا۔یاد رہے کہ خرم دستگیر نواز شریف کا پوسٹر لیے ایوان آئے تھے جس پر میرا قائد درج تھا۔

موضوعات:خرم دستگیر خان