اسلام آباد (این این آئی)پاکستان تحریک انصاف کے رکن قومی اسمبلی احمد حسین نے کہا ہے کہ جنوبی پنجاب کا صوبہ ضرور بنے گا، وزیراعلیٰ پنجاب ایسا ہوگا جو سب کو قبول ہوگا۔ ایک انٹرویو میں تحریک انصاف کے رکن قومی اسمبلی احمد حسین ڈہیڑ نے کہا کہ تحریک انصاف عمران خان کی قیادت میں متحد اور مضبوط ہے۔انہوں نے کہاکہ عمران خان کے وژن کے مطابق تحریک انصاف

حکومت بنانے جارہی ہے ٗ ملک سے کرپشن ، بے روزگاری کا خاتمہ اولین ترجیح ہے۔ انہوں نے کہا کہ اگر مجھے پارٹی نے کوئی ذمہ داری سونپی تو احسن طریقے سےادا کروں گا ٗ میں نے اپنے مقابلے سابق وزیراعظم یوسف رضا گیلانی، اور سابق وفاقی وزیر سکندر بوسن کو شکست دی ہے۔ رہنما تحریک انصاف کا کہنا تھا کہ ملک سے کرپشن کے خاتمے کا وقت آرہا ہے اور اداروں کو تحفظ ملے گا۔

موضوعات:پاکستان تحریک انصاف