ممبئی (این این آئی)بھارتی اداکار سلمان خان کا کہنا ہے کہ ان کے والد مسلمان اور والدہ ہندو ہیں لیکن وہ خود کو ہندو یا مسلمان کے بجائے ’’انسان‘‘ کہتے ہیں۔ سلمان خان نے بھارتی اخبار کی 15 ویں لیڈرز شپ سمٹ کے دوران بھارت کے مختلف شعبہ جات سے تعلق رکھنے والے متعدد افراد نے اپنے خیالات کا اظہار کیا ۔ انٹرٹینمنٹ انڈسٹری کی نمائندگی کرتے ہوئے سلمان خان بھی اس سمٹ میں شریک ہوئے

اور اپنے والدین ،مذہب، ذاتی زندگی اور رئیلٹی شو بگ باس کے حوالے سے بہت سی باتیں منظر عام پر لے کرآئے ۔میڈیا سے بات چیت کے دوران انہوں نے کہا فلم انڈسٹری میں کام کرنیوالے تمام لوگ چاہے ان کا تعلق کسی بھی مذہب سے ہو سب مل کر کام کرتے ہیں۔یہاں ہندو، مسلم، عیسائی و سکھ ایک ساتھ کام کرتے ہیں، اور ہر کوئی ایک دوسرے کی عزت کرتا ہے۔

موضوعات:سلمان خان