کیا آپ جانتے ہیں کہ چوتھی طلاق کے بعد نور کے شوبز چھوڑ کر یاد اللہ میں مگن ہونے کے پیچھے ایک بزرگ ہستی کا ہاتھ ہے،وہ بزرگ ہستی کون ہے ؟جان کر دنگ رہ جائیں گے

  بدھ‬‮ 11 اکتوبر‬‮ 2017  |  12:28

اسلام آباد(مانیٹرنگ ڈیسک)کچھ عرصے سے اپنی چوتھی طلاق کے باعث خبروں کی زینت بننے والی نور نےاپنے آخری خاوند ولی حامد سے طلاق کے بعد اچانک ہی شوبز سے کنارہ کشی اختیار کرنے کا اعلان کردیاہے ۔نجی ٹی وی ٹونٹی فور نیوز سے بات کرتے ہوئے نور کا کہنا ہے کہ پروگراموں کی میزبانی کی آفرہوئی تو دوپٹہ اوڑھ کر صرف پروگراموں کی میزبانی کروں گی جبکہ ڈرامہ، رقص، فلم کو خیر آباد کہہ دیا ہے۔ نجی ٹی وی کے نمائندہ سے بات کرتے ہوئے اداکارہ نور کا کہنا تھا کہ دین اسلام کو پڑھنے اور اس پر عمل کرنے

کا سلسلہ شروع کیاہے ۔اداکارہ کا کہنا تھا کہ ان کے مرشد کی ان پر نظر کرم ہوئی اور انہوں نے مجھے دین پر عمل کرنے کیلئے سمجھایا جس پر مجھے احساس ہوا کہ بہت کچھ ایسا جو میں ماضی میں کرتی رہی وہ ٹھیک نہیں تھا، ہمیں نبی کریمﷺ کی سنت پر چلتے ہوئے اللہ تعالیٰ کے احکامات پر عمل کرنا چاہئے، مجھے مرشد کی طرف سے سمجھانے کے بعد پتہ چلا کہ کئی ایسی چیزیں تھیں جو میں نہیں کرتی تھی جس پر میں نے احکامات الٰہی کے مطابق زندگی بسر کرنے کا فیصلہ کیا ہے۔ میرے دل کے اندر سے ایک آواز آئی جس کے بعد میں نے نماز ادا کرنا شروع کر دی اور اس کے بعد میں نے دوپٹہ بھی اوڑھنا شروع کر دیا ہے۔ میرا دل اس مصنوعی دنیا سے اوب چکا ہے، قرآن کریم میں ان چیزوں کا ذکر موجود نہیں اس لئے یہ غلط ہیں۔

موضوعات:

آج کی سب سے زیادہ پڑھی جانے والی خبریں