ممبئی (این این آئی)بالی وڈ کی ادکارہ کنگنا رناوت کا کہنا ہے کہ انھیں زندگی میں ہر چیز چاہے وہ چھوٹی ہو یا بڑی لڑنے کے بعد ہی حاصل ہوئی ہے۔بالی وڈ میں اکثر بغاوت کے موڈ میں نظر آنے والی اداکارہ کنگنا رناوت کی نئی فلم’’سمرن‘‘ ریلیز کے لیے تیار ہے۔ممبئی میں فلم ’’سمرن‘‘ کے ٹریلر لانچ کے موقع پر میڈیا سے بات کرتے ہوئے کنگنا نے کہا ’میرا سفر کافی مختلف ہے، مجھے لگتا تھا کہ کیا واقعی میں میرا سفر منفرد ہے؟ان کا کہنا تھا کہ میرے سفر میں ایک ہی پہلو

سامنے آتا ہے کہ مجھے ہر چیز لڑ کر ہی ملی ہے۔ان کا مزید کہنا تھا کہ اب تو یہ لڑائی میری زندگی کا اصول بن گئی ہے۔ مجھے اس سے مشکل بھی نہیں ہے۔ میرا جو حق ہے میں اسے لے کر ہی رہوں گی۔اس موقع پر بات کرتے ہوئے فلم ’’سمرن‘‘کے ڈائریکٹر ہنسل مہتا نے بتایامجھے کافی عرصے سے کنگنا کے ساتھ کام کرنے کی خواہش تھی۔ میں نے انھیں کئی سکرپٹ سنائے اور آخر انھیں’’سمرن‘‘ کا کردار پسند آ گیا اور انھوں نے میرے ساتھ کام کرنے کی حامی بھری۔

موضوعات:کنگنا راناوت