اسلام آباد(مانیٹرنگ ڈیسک)معروف بھارتی اداکار شاہ رخ خان کی فلم ’’رئیس ‘‘پر پاکستان میں نمائش پر پابندی عائد کر دی گئی ہے اور اسے نمائش کیلئے ناموزوں قرار دے دیا گیا ہے۔ پاکستانی سنسربورڈ کے مطابق مذکورہ فلم میں اسلام کےتشخص اورمسلمانوں سےمتعلق غلط امیج کوپیش کیا گیا۔پاکستانی سینسر بورڈ نے فلم’’ رئیس ‘‘کا تین دن تک تفصیلی جائزہ لینے کے بعد اس کی پاکستان میں نمائش روک دی ہے۔

سنسربورڈ کے ممبران کی رائے کے مطابق فلم میں اسلام کا حقیقی چہرہ نہیں دکھایا گیا۔ممبران نے مزید کہاکہ فلم میں اسلام کےتشخص اورمسلمانوں سےمتعلق غلط امیج کوپیش کیا گیا۔یاد رہے کہ فلم’’رئیس‘‘کی بھارت میں نمائش پر بھی کافی لے دے ہو چکی ہے ،فلم میں شاہ رخ خان کی ہیروئن کے طور پر پاکستانی خوبرو اداکارہ مائرہ خان نے کام کیا ہے۔

موضوعات:رئیس