اسلام آباد(مانیٹرنگ ڈیسک)پاکستان کے سابق کرکٹر اور آئی سی سی کے موجودہ کمنٹریٹر رمیز راجہ نے فلم بنانے کا اعلان کرتے ہوئے فلمی دنیا میں بھی اپنی اننگز کا آغاز کر دیا ہے۔تفصیلات کے مطابق کرکٹ سے شہرت پانے والے شہرہ آفاق پاکستانی کرکٹر اور کمنٹیٹر رمیز راجہ نے اپنے ایک حالیہ انٹرویو میں انکشاف کیا ہے کہ وہ ایک فلم بنانے جا رہے ہیں

جس میں بھارتی اداکار سنجے دت کو کاسٹ کر لیا گےا اور ان سے تمام معاملات طے ہو چکے ہیں۔ انـٹرویو میں اپنی فلم کی ہیروئن کے حوالے سے رمیز راجہ کا کہنا تھا کہ فلم کی ہیروئن کا نام ابھی فائنل نہیں ہوا تاہم عنقریب اس حوالے سے نام فائنل کر لیا جائے گا۔ہیروئن کی کاسٹ سے متعلق اپنی خواہش کا اظہار کرتے ہوئے رمیز راجہ کا کہنا تھا کہ وہ خوبرو پاکستانی ماڈل و اداکارہ مائرہ خان یا بھارتی اداکارہ کترینہ کیف کو اپنی فلم میں کاسٹ کرنے کے خواہش مند ہیں تاہم جو بھی ہیروئن فلم کیلئے ہوئی وہ بہترین ہو گی۔

موضوعات:رمیز راجہ