ممبئی (این این آئی)انڈیا کی اداکارہ کنگنا رناوت اور اداکار ریتھک روشن کے جھگڑے میں پہلے پولیس اور پھر ریتھک کے بیان نے معاملے کو پیچیدہ کر دیا ہے۔پولیس نے پہلے کہا تھا اس معاملے کے ثبوت نہیں ہیں اسی لیے تحقیقات بند کی جا رہی ہے لیکن ریتھک کی قانونی ٹیم کا دعویٰ ہے کہ پولیس نے ان سے کہا ہے کہ تحقیقات جاری ہیں۔سائبر سیل کے جوائنٹ کمشنر سنجے سکسینہ نے بتایا کہ ریتھک کی میل کی شناخت کا یہ سرور امریکی ہے جس کی وجہ سے ہم انڈیا میں اس میل کو شناخت کرنے کے قابل نہیں ہیں۔ یہ پتہ لگانا مشکل ہے کہ اس کا استعمال کون کر رہا تھا؟

سکسینہ نے کہاکہ پیش کیے جانے والے ثبوتوں کی بنیاد پر کیس کو آگے نہیں بڑھا جا سکتا اس لیے اسے بند کر دیا گیا ہے۔لیکن ریتھک روشن کی قانونی ٹیم کی جانب سے جاری بیان میں کہا گیا ہے کہ میڈیا میں کیس بند ہونے کی جو خبریں چل رہی ہیں وہ جھوٹی ہیں۔بیان میں دعویٰ کیا گیا ہے کہ پولیس نے ریتھک کے وکیل مہیش جیٹھ ملانی کو بتایا ہے کہ کیس بند نہیں ہوا اور تحقیقات جاری ہیں۔بیان میں کہا گیا ہے کہ اس بات کے پختہ ثبوت ہیں کہ ریتھک روشن اور کنگنا رناوت کے درمیان کسی طرح کا کوئی تعلق نہیں تھا۔ سشات موہن کا کہنا ہے کہ

پہلے پولیس کے بیان کے بعد محسوس ہو رہا تھا کہ یہ جھگڑا ختم ہو گیا ہے لیکن ریتھک کی جانب سے جاری بیان نے اس کیس کو ایک نیا موڑ دے دیا ہے۔واضع رہے کہ کنگنا رناوت نے یہ دعویٰ کیا تھا کہ وہ اور ریتھک روشن ریلیشن میں تھے اور ریتھک نے انھیں کئی میل بھی بھیجے تھے۔کنگنا کے اس دعوے کے بعد ریتھک نے سائبر کرائم سیل میں شکایت درج کی تھی اور دعویٰ کیا تھا کہ کنگنا کو میل فرضی شناختی سے ملے تھے۔

موضوعات:پولیس ریتھک روشن کنگنا رناوت