ممبئی (نیوز ڈیسک)فلم’ سنگھم‘سے بالی ووڈ فلموں میں اپنی پہچان بنانے والی کاجل اگروال نئے سال 2016سے ایک مرتبہ پھر بالی ووڈ فلموں کا رخ کررہی ہیں۔ ڈائریکٹر روہت شیٹھی کی فلم’سنگھم‘ سات سال پہلے ریلیز ہوئی تھی اور اس نے کامیابی کے جھنڈے بھی گاڑے تھے مگر پھر بھی نہ جانے کیوں کاجل بالی ووڈ کی ہندی فلموں سے منہ موڑ کر دوبارہ ساو?تھ انڈین فلموں تک محدود ہوگئیںتاہم اب ان کے بارے میں خبریں گرم ہیں کہ وہ دوبارہ بالی ووڈ جوائن کرچکی ہیں اور ان کی نئی فلم ’دو لفظوں کی کہانی‘ اگلے سال یعنی 2016میں ریلیز ہونے جارہی ہے۔ کاجل کی ایک اور فلم اسپیشل 26 سن 2013 میں ریلیز ہوئی تھی جس کے ہیرو اکشے کمار تھے۔ کاجل نے سن 2004سے بالی ووڈ فلموں کا رخ کیا تھا اور ان کی سب سے پہلی فلم سمیر کارتک کی کیوں ہوگیا نا تھی جس میں انہوں نے ایشوریہ رائے کی بہن ریا کا کردار اداکیا تھا۔ تاہم یہ دونوں فلمیں خاطر خواہ کامیابی حاصل نہیں کرسکی تھیں۔ کاجل کی اگلے سال آنے والی فلم دو لفظوں کی کہانی کے ڈائریکٹر دیپک تجوری ہیں۔ اس فلم میں کاجل نے ایک غریب اور نابینا لڑکی کا رول ادا کیا ہے۔ کاجل سے جب ایک انٹرویو کے دوران یہ پوچھا گیا کہ نئی فلم دو لفظوں کی کہانی کے بعد وہ ساﺅتھ کی فلمیں کرنا چھوڑ دیں گی؟ تو کاجل کا کہنا تھا کہ وہ بالی ووڈ اور ساﺅتھ کی فلمیں میں توازن رکھیں گی۔ انہوں نے ہنستے ہوئے کہا کہ ہندی میری زبان ہے اور میں ساﺅتھ ممبئی کی رہنے والی ہوں لہذا بیلنس تو رکھنا ہی پڑے گا۔